Sede ElectrónicaData:
Ministerio de Emprego e Seguridade Social
Extracto da Resolución do 21 de febreiro de 2017, da Dirección Xeral de Migracións, pola que se convocan subvencións públicas para a ordenación dos fluxos migratorios laborais de traballadores/as migrantes para campañas agrícolas de tempada. BDNS (Identif.): 339845.
Finalidade
A finalidade é a execución das seguintes actuacións:
Organización e coordinación das contratacións e os desprazamentos das persoas traballadoras de tempada agrícola.
Visita aos aloxamentos de temporeros/as agrícolas e elaboración de informes sobre as condicións dos mesmos.
Asesoramento e información sociolaboral ás persoas traballadoras migrantes de campañas agrícolas de tempada en relación cos seus dereitos e deberes derivados da súa natureza.
Bases reguladoras
Orde ESS/1708/2012, do 20 de xullo, publicada no "BOE" do 1 de agosto de 2012.
Beneficiarios
Organizacións sindicais, as organizacións e agrupacións empresariais e cooperativas agrarias sen ánimo de lucro, e as Entidades Locais.
Importe
Dotación total da convocatoria: 604.480 euros.
A contía máxima para cada actuación será a seguinte.
Organización e coordinación das contratacións e os desprazamentos das persoas traballadoras de tempada: contía unitaria de 50 euros de custo por temporero/a; contía máxima por solicitude, 60.000 euros.
Visita aos aloxamentos e elaboración de informes sobre as condicións dos mesmos: contía unitaria de 300 euros de custo por aloxamento; contía máxima por solicitude, 50.000 euros.
Asesoramento e información sociolaboral: contía unitaria de 20 euros de custo por temporero/a: contía máxima por solicitude, 50.000 euros, se se realiza en máis dunha Comunidade Autónoma, e 15.000 euros, se comprende unha soa Comunidade Autónoma.
Prazo
Vinte días naturais a partir do día seguinte ao da publicación deste extracto no "BOE".
