Data:
Terá lugar en Cambados os días 26 e 27 de marzo e en Sanxenxo o 29 de marzo 2019.
A temática deste congreso centrarase en catro grandes bloques temáticos de gran interese e actualidade: Cambio Climático, Economía Circular, Problemática ambiental e social da Ría de Arousa e Patrimonio natural e turismo sostible. O congreso contará coa participación dun centenar de ambientalistas e de 40 expertos de recoñecido prestixio nos seus respectivos campos de actuación procedentes de América, Portugal, España e especialmente de Galicia. Haberá unha representación do mundo académico, universitario e profesional, das administracións públicas a nivel estatal, autonómico, provincial e local, do mundo empresarial, así como outros colectivos sociais.
Abrirase o congreso cunha conferencia maxistral a cargo do Prof. Dr. Eleuterio Martínez, científico-humanista, académico e catedrático de recoñecido prestixio en América, que presentará as medidas de mitigación e adaptación para loitar contra o cambio climático, e como broche de ouro do congreso, cabe destacar a contribución maxistral do Prof. Dr. Federico Mayor Zaragoza, figura relevante de recoñecido prestixio a nivel mundial, cuxa dilatada e fructífera andadura como director xeral da UNESCO deixou profunda pegada, que se sumará a apoiar a candidatura das Cíes-Illas Atlánticas a Patrimonio Mundial da Humanidade.
Ofértanse 100 prazas gratuitas, que se cubrirán por orde riguroso de inscrición remitindo o boletín que pode descargar a continuación.
Descargas:
Arquivos | Tamaño |
---|---|
Programa do curso | 905.14 KB |
Boletín inscrición | 218.83 KB |