Axudas encamiñadas á mellora da seguridade, a competitividade e a obtención de certificacións, selos ou marcas de calidade nas áreas empresariais da Comunidade Autónoma de Galicia. Prazo: 21-07-2025

Consellería de Economía e Industria

Orde do 2 de xuño de 2025 pola que se establecen as bases reguladoras para a concesión, en réxime de concorrencia competitiva, das axudas encamiñadas á mellora da seguridade, a competitividade e a obtención de certificacións, selos ou marcas de calidade nas áreas empresariais da Comunidade Autónoma de Galicia, e se procede á súa convocatoria para o ano 2025 (código de procedemento IN519E).

BDNS (Identif.): 840380.

Obxecto

A mellora da seguridade, a competitividade e a obtención de certificacións, selos ou marcas de calidade nas áreas empresariais da Comunidade Autónoma de Galicia.

Beneficiarios

Asociacións de empresarios, entidades de conservación de áreas empresariais da Comunidade Autónoma de Galicia recollidas no capítulo II do título V de Xestión e conservación das áreas empresariais da Lei 3/2022, do 18 de outubro, de áreas empresariais de Galicia e comunidades de propietarios de áreas empresariais que realicen investimentos, dentro do seu ámbito territorial.

Contía

Importe total da convocatoria: 1.027.907,53 €, distribuído en dúas anualidades, 205.581,51 € para o ano 2025 e 822.326,02 € para o ano 2026.

Intensidade das axudas: 80 % do importe total considerado como subvencionable, cun máximo de 120.000,00 €.

Poderase anticipar ata o 25 % do importe da subvención concedida.

Prazo de presentación de solicitudes

Un mes contado desde o día seguinte ao da publicación da orde no Diario Oficial de Galicia.

Máis Información

-Na Base de datos nacional de subvencións (BDNS Identif.: 840380): https://www.infosubvenciones.es/bdnstrans/GE/es/convocatoria/840380

-Sobre este procedemento administrativo, que ten o código IN519E, poderase obter información adicional na Dirección Xeral de Estratexia Industrial e Solo Empresarial, a través dos seguintes medios:

a. Páxina web oficial da consellería (https://economia.xunta.gal).

b. Nos teléfonos 981 95 71 87 ou 981 54 55 72, de servizos centrais.

c. Presencialmente.

2. Así mesmo, para cuestións xerais sobre este ou outro procedemento, poderá facerse uso do teléfono de información xeral da Xunta de Galicia, que é o 012 (desde o resto do Estado: 981 90 06 43).