Sede ElectrónicaData:
Fundación Instituto Cameral para a Creación e Desenvolvemento da Empresa (Fundación INCYDE)
A Fundación INCYDE informa da posibilidade de participar como Organismo Beneficiario para o desenvolvemento da operación "Viveiros de Empresas 4.0", na Comunidade Autónoma de Galicia. O proxecto está cofinanciado polo Fondo Europeo de Desenvolvemento Rexional dentro do Programa Plurirregional de España FEDER 2021-2027.
Obxecto
O presente anuncio ten por obxecto a selección dos Organismos Beneficiarios que levarán a cabo a creación, posta en marcha, e prestación de actividades da operación Viveiros de Empresas 4.0 na Comunidade Autónoma Galicia. A selección terá lugar en réxime de publicidade, transparencia, obxectividade e concorrencia competitiva.
Beneficiarios
Poderán ser Organismos beneficiarios da axuda FEDER, aquelas entidades que tendo un obxecto e/o fins que comprendan a execución de proxectos acordes cos obxectivos pretendidos, teñan a condición de Organismos Públicos, Organismos de Dereito Público, Cámaras de Comercio, Fundacións públicas e privadas e institucións sen ánimo de lucro.
Non poderán asumir a condición de beneficiarias as entidades en quen concorra algunha das circunstancias do artigo 13 da Lei 38/2003, do 17 de novembro, Xeral de Subvencións.
Orzamento
O importe máximo de gasto elixible para a rexión é 980.000 € de gasto total (axuda FEDER do 60%).
Prazo de presentación de solicitudes
O prazo para a presentación de solicitudes será de 25 días hábiles desde a data de publicación no presente Boletín Oficial.
A data e hora límite publicarase na web da Fundación INCYDE o mesmo día de publicación do anuncio.
A presente convocatoria publícase condicionada á firma do Acordo de Atribución de Funcións entre a Fundación INCYDE e a Autoridade de Xestión FEDER.
Máis Información
O texto completo da convocatoria pode consultarse na web da Fundación INCYDE: http://www.incyde.org/convocatorias-feder
