CAMPAÑA DE VACINACIÓN DA GRIPE 2019

A Consellería de Sanidade informa que o 14 de outubro dará comezo a campaña de vacinación da gripe deste ano 2019. 

O ano anterior a campaña tivo moi boa acollida, utilizando os concellos tanto os autobuses urbanos como os Mupis para a divulgación da mesma. En calquera caso, se algún concello quere colaborar con estas iniciativas ou con calquera outra pode comunicalo na dirección de correo vacinas@sergas.es 

Informamos tamén que a Consellería de Sanidade ten un portal de información para a sociedade: https://gripe.sergas.gal/ 

Poñen a disposición dos concellos o cartel central da campaña que pode descargar a continuación para publicar nas súas páxinas web e comunican que nos próximos días os concellos recibirán material divulgativo.