Conmoción e pesar do municipalismo galego polo presunto asasinato da traballadora do SAF, Teresa de Jesús González

Santiago de Compostela, 30 de xullo de 2025.- O presidente da Federación Galega de Municipios e Provincias (FEGAMP), Alberto Varela, quere expresar a conmoción e pesar de todo o municipalismo galego polo tráxico suceso no que a traballadora do Servizo de Axuda no Fogar (SAF) e veciña do Porriño, Teresa de Jesús González, foi presuntamente asasinada por Enrique Leirós, parella da persoa dependente que atendía Teresa no seu traballo.

"Só temos palabras de apoio e condolencia para a familia de Teresa, para as súas amizades e compañeiras de traballo", sinalou Alberto Varela, destacando a importancia do labor desenvolto polas persoas que, como Teresa, traballan neste servizo.

O presidente da FEGAMP achegou á alcalde do Porriño, Alejandro Lorenzo, todo o apoio dos alcaldes e alcaldesas nestes duros momentos.