FEGAMP lamenta profundamente o pasamento da alcaldesa de Lugo, Paula Alvarellos

Santiago de Compostela, 1 de marzo de 2025.- O presidente da Federación Galega de Municipios e Provincias (FEGAMP), Alberto Varela, en nome do municipalismo galego, lamenta profundamente a morte de Paula Alvarellos, alcaldesa de Lugo.

Alberto Varela quere amosar a súa dor pola  perda de Paula Alvarellos e achegar dende a FEGAMP todo o agarimo á súa familia, ás súas amizades, á corporación local de Lugo e a todo o municipalismo lucense nestes durísimos momentos.