FEGAMP lamenta profundamente o pasamento de Julio Sacristán, ex alcalde de Culleredo

Santiago de Compostela, 22 de xullo de 2025.- O presidente da Federación Galega de Municipios e Provincias (FEGAMP), Alberto Varela, en nome do municipalismo galego, lamenta profundamente a morte de Julio Sacristán, que foi alcalde de Culleredo durante 34 anos e tivo un papel clave no desenvolvemento do concello. Tamén foi membro da Comisión Executiva da FEGAMP.

Alberto Varela quere amosar a súa dor pola perda de Julio Sacristán e achegar dende a FEGAMP todo o agarimo á súa familia, ás súas amizades, e a todo o municipalismo cullerdense nestes tristes momentos.