FEGAMP lamenta profundamente o pasamento de Justo González Ballesta, alcalde de Mos de 1986 ata 1989 e de 1991 ata 1997

Data: 

luns, 21 Setembro, 2026 (Todo o día)
Santiago de Compostela, 21 de setembro de 2026.- O presidente da Federación Galega de Municipios e Provincias (FEGAMP), Alberto Varela, en nome do municipalismo galego, lamenta profundamente a morte de Justo González Ballesta, alcalde de Mos por AP e PP dende 1986 ata 1989 e de 1991 ata 1997.

 

Licenciado en Medicina e Cirurxía, Justo González Ballesta desenvolveu tamén unha ampla traxectoria institucional en Galicia, con responsabilidades como deputado do Parlamento de Galicia e na Administración autonómica.

Alberto Varela quere amosar a súa dor pola perda de Justo González Ballesta e achegar dende a FEGAMP todo o agarimo á súa familia, ás súas amizades, e a toda a veciñanza de Mos nestes tristes momentos.