FEGAMP participa no grupo de traballo da Xunta de Galicia para as alegacións ao futuro regulamento estatal de Costas

Santiago de Compostela, 7 de abril de 2026.- A Federación Galega de Municipios e Provincias (FEGAMP) participou no grupo de traballo convocado pola Consellería de Medio Ambiente da Xunta de Galicia para o análise de posibles alegacións ao Anteproxecto de Real Decreto que modifica o Regulamento Xeral de Costas, que se atopa en período de información pública ata o 15 de abril.

A FEGAMP estivo representada pola súa secretaria xeral, Patricia Vilán; polo seu director xeral, Antonio Fdez. Angueira, e polo seu coordinador xeral, Xosé Manuel Rodríguez.