Sede ElectrónicaData:
La Palma, 19 de xuño de 2026.- A secretaria xeral da Federación Galega de Municipios e Provincias (FEGAMP) asiste en La Palma (Canarias) ao Secretariado do Consello Territorial da Federación Española de Municipios e Provincias (FEMP).
O Secretariado traballou sobre os os asuntos a tratar no vindeiro Consello Territorial da FEMP que se celebrará en Madrid o 9 de xullo de 2026.
O encontro serviu, ademais, para compartir puntos de vista sobre cuestións urxentes, como o novo real decreto que regula os investimentos financieramente sustentables e, a necesidade dun desenvolvemento regulamentario e urxente da lei de economía circular, que permita un financiamento suficiente para que os municipios poidan acometer as obrigacións derivadas do cumprimento dos obxectivos.
A reunión, permitiu tamén coñecer os principais avances nas distintas frontes de actividade municipalista. Así, deuse conta do avance na xestión e execución dos fondos europeos, tanto os correspondentes a programas realizados directamente pola FEMP como a aqueles desenvolvidos por entidades locais nas diferentes liñas de axudas comunitarias.
O novo acordo marco de Certificados de Aforro Enerxético, impulsado pola Central de Contratación da FEMP, tamén se abordou, destacando o papel da central como ferramenta estratéxica de apoio para a contratación de servizos e subministracións por parte dos gobernos locais.
Así mesmo, informouse sobre a próxima posta en marcha de dúas novas redes de municipios que elevarían a 13 o número das que xa están operativas na FEMP. Trátase da Rede Española de Oficinas de Datos e a Rede Española de Cidades Culturais.