PLAN DE FORMACIÓN CONTINUA 2025:

• PERÍODO DE INSCRICIÓN: ABERTO SÓ PARA OS CURSOS QUE NON CUBRIRON AS PRAZAS, manterase aberto ata que se completen e terán preferencia as persoas que non pediron ningún curso. 
• INSCRICIÓN: É obrigatorio certificar a vinculación como persoal da administración local, coa cabeceira da nómina (obrigatorio que sexa lexible a data correspondente ao mes de marzo ou a inmediatamente anterior a data de inscrición) ou calquera outro documento que o acredite coma vida laboral ou certificado da entidade local. Sen calquera deles non se poderá rexistrar a solicitude e tampouco se a data é anterior ao mes de marzo.
• NÚMERO DE CURSOS: poden solicitarse un máximo de 3 cursos pero enviar SÓ UNHA FICHA DE INSCRICIÓN.  O/A solicitante pode ser admitido/a en 1, 2, 3 ou en ningún curso segundo sexa o caso. O número de envíos da ficha de inscrición por usuario limítase a 1.
• CÓDIGO E NOME DO CURSO: Cada curso ten un código, no caso de que na inscrición non coincida o número do código co nome do curso tomaremos como preferente o nome do curso.
• SELECCIÓN DE ADMITIDOS: Cando se faga a selección dos alumnos  enviaremos  un correo aos admitidos/as polo que solicitamos que revisen o correo e o spam, posto que hai un prazo para renunciar ou aceptar o curso e, no caso de non contestar, serían penalizados. É conveniente non utilizar o mesmo correo electrónico varias persoas xa que pode dar lugar a equívocos no momento de recibir a comunicación da Fegamp
• Os CERTIFICADOS DE ASISTENCIA E APROVEITAMENTO enviaranse por correo electrónico, unha vez recibidas as actas de avaliación de todos os alumnos. O envío dos mesmos comezará a partir do mes de setembro e por orde de chegada.