Novas

A Federación Galega de Municipios e Provincias trasladou á Xunta de Galicia varias peticións relacionadas coas axudas á escolarización de nenos de 0-3 anos.

Alberto Varela iniciou unha rolda de contactos con alcaldes para solicitar de primeira man as súas peticións e suxestións, e presentarlles as liñas de traballo da Federación Galega de Municipios e Provincias nos vindeiros catro anos.

Alfredo García participou na apertura da X Asemblea da Federación Galega de Municipios e Provincias, baixo o lema O Valor do Poder Local, na que tamén interviñeron o alcalde de Santiago, José Bugallo, e a directora xeral de Administración Local, Marta Fernández. García resaltou ”o consenso e a unanimidade entre os grupos políticos da Fegamp como chave das decisións tomadas” ao longo da súa etapa na presidencia.

Entre os fitos acadados pola Fegamp nesta etapa Fegamp, García destacou logros económicos como a devolución do céntimo sanitario, tamén a renovación do convenio dos Grupos Supramunicipais de Emerxencias (GES) ou o convenio de xestión da biomasa nas faixas secundarias, ou a consecución do documento das 100 medidas a prol do municipalismo apoiado por todos os grupos políticos da Fegamp. Ademais destacou a posta marcha da sede electrónica da Federación, unhas contas totalmente saneadas e a realización de xornadas formativas sobre diversas materias que supoñían un reto para os concellos.

Alfredo García resaltou no seu discurso as cifras que avalan a responsabilidade por parte das entidades locais: “a débeda dos concellos galegos descendeu de 255 € a 91 € por habitante desde o 2013 ata o 2018, o remanente de tesouraría no exercicio do 2017 situouse por riba dos 600 millóns, e o resultado orzamentario deste ano superou os 300 millóns de euros”.

O protocolo inclúe tamén un servizo de asistencia financeira ao cidadán e outro de formación en banca electrónica.