A FEGAMP participa na preparación do vindeiro Consello Territorial da FEMP

Data: 

xoves, 7 Marzo, 2024 (Todo o día)

Madrid, 7 de marzo de 2024.- A secretaria xeral da Federación Galega de Municipios e Provincias (FEGAMP) participou hoxe en Madrid na xuntanza do Secretariado do Consello Territorial da Federación Española de Municipios e Provincias (FEMP).

A xuntanza celebrouse na sede da FEMP  e estivo presidida polo seu secretario xeral, Luis Martínez-Sicluna, e nela avanzouse sobre os asuntos a tratar na vindeira xuntanza do Consello Territorial da FEMP que se celebrará o 21 de marzo.

Tamén se trataron as xestións realizadas co Goberno de España sobre o convenio de recollida de residuos e a tasa de basura, e sobre os traballos da Comisión sobre a Plusvalia da FEMP, que solicitou unha xuntanza con Ministerio de Facenda.